Respublikanın bəzi bölgələrində aprel ayının birinci ongünlüyündə yağıntılı hava şəraiti müşahidə edilib. Havanın orta temperaturu çoxillik iqlim normasından 3-4⁰C yüksək,  ötən ilin göstəriciləri ilə müqayisədə isə 2-4⁰C aşağı olması ilə səciyyələnib.

Havanın dekadalıq orta temperaturu Gədəbəydə 7,1⁰C, Qubada və Dağlıq Şirvan bölgəsində 10-11⁰C, Şəki-Zaqatala bölgəsində, Maştağada,  Ceyrançöldə və Tovuzda 12-13⁰C, Bərdə-Tərtərdə, Mərkəzi Aranda, Mil-Muğanda, Lənkəranda, Gəncədə, Şəmkirdə 14-15⁰C, Goranboyda 16⁰C qeydə alınıb. 

Havanın minimum temperaturu Gədəbəydə 0,2⁰C, Qubada 2⁰C, Şamaxıda 4⁰C, Cəfərxanda və Ceyrançöldə 5⁰C,Maştağada, Tovuzda və İsmayıllıda 6⁰C, Şəki-Zaqatala bölgəsində 5-7⁰C, Zərdabda və Gəncədə 7⁰C, Bərdədə 9⁰C qeydə alınıb.

Torpaq səthinin minimum temperaturu Qubada -1⁰C, Tovuzda 2⁰C, Gəncədə və Ceyrançöldə 3⁰C, Şəkidə 4⁰C, Cəfərxanda, İsmayıllıda və Zaqatalada 5⁰C, Maştağada 6⁰C təşkil edib. Torpağın 10 sm dərinliyində orta temperaturu Qubada 9⁰C, Şəkidə 11⁰C, Naxçıvanda 12⁰C, Göyçayda 13⁰C, Gəncədə və Lənkəranda 14⁰C, Neftçalada 15⁰C, 20 sm dərinlikdə temperaturu Qubada 9⁰C, Gəncədə və Lənkəranda 13⁰C, Şəkidə 12⁰C, Neftçalada 14⁰C, Göyçayda 15⁰C qeydə alınıb.

Torpağın 10 sm dərinliyində nəmliyi Göyçayda 5%, Gəncədə 17%, Naxçıvanda 40%, Şəkidə 33%, Qubada 42%, Neftçalada 43%, Lənkəranda 64%-ə qədər, 20 sm dərinlikdə Göyçayda 23%, Gəncədə 16%, Qubada 48%, Şəkidə 39%, Neftçalada 47%, Lənkəranda 63%, Naxçıvanda 29%-ə qədər müşahidə edilib.

Yağıntının dekadalıq miqdarı ən çox Qubada 86 mm, Zaqatalada 57 mm, Gədəbəydə 53 mm, Balakəndə 43 mm, Maştağada 32 mm, Şəkidə 17 mm, Oğuzda 21 mm, Qəbələdə 15 mm, Tovuzda 14 mm qeydə alınıb.

Rütubət çatışmazlığı Qubada, Maştağada, Şamaxıda və Gədəbəydə 3 hPa, Bərdədə, Lənkəranda və İsmayıllıda 4 hPa, Mil-Muğanda, Tovuzda, Ceyrançöldə və Şəki-Zaqatala bölgəsində 5 hPa, Tərtərdə, Zərdabda və Gəncədə 6 hPa, Yevlaxda və Şəmkirdə 7 hPa arasında dəyişib.

Nisbi rütubət Mil-Muğanda 72-76%, Dağlıq Şirvanda 73-75%, Bərdə-Tərtərdə 69-80%, Gəncədə və Şəmkirdə 63-65%, Maştağada 81%, Qazax-Tovuzda 69-71%, Lənkəranda 81%, Qubada 79%, Şəki-Zaqatalada 66-73%, Zərdabda 70 hPa, Yevlaxda 67 hPa təşkil edib.

Maksimum sürəti 15 m/san-dən çox olan küləkli günlərin sayı 5 gün Goranboyda (maksimum sürət 23 m/san), 4 gün Tovuzda (maksimum sürət 20 m/san), 3 gün Tərtərdə (maksimum sürət 22 m/san), Maştağada (maksimum sürət 19 m/san), Şəmkirdə (maksimum sürət 16 m/san), Şəkidə (maksimum sürət 15 m/san), 2 gün Sabirabadda (maksimum sürət 17m/san), 1 gün Qəbələdə (maksimum sürət 21 m/san), Zərdabda, Salyanda və Gəncədə (maksimum sürət 18 m/san) təşkil edib.

Aprel ayinin birinci dekadası ərzində əksər aran və dağətəyi rayonlarda payızlıq dənli bitkilər əkilmiş sahələrdə aparılmış fenoloji müşahidələrə əsasən bitkilərdə buğumbağlama mərhələsi davam edib, Cəfərxanda, Beyləqanda, Yevlaxda, Salyanda, Bərdədə, Şəkidə, Zaqatalada, Oğuzda və Sabirabadda gövdənin aşağı buğumunun yer səthinə çıxması mərhələsi qeydə alınıb. Gövdənin aşağı buğumunun yer səthinə çıxması mərhələsində bitkilərin hündürlüyü 59-62 sm olub. Bərdədə ölçü sahəsinin bir vahidində bitkilərin orta sayı 514 ədəd, Şəkidə gövdələrin ümumi sayı 360 ədəd təşkil edib. Tərtərdə, Beyləqanda, Yevlaxda ərik ağaclarında meyvələrin böyüməsi, Şamaxıda və Gəncədə üzüm kollarında gözcüklərin, Lənkəranda isə 3-cü yarpağın açılması qeydə alınıb. Alma, armud, albalı, heyva, tut, nar, xurma ağaclarında 1-ci yarpağın açılması müşahidə edilib. Cəfərxanda və Şəkidə yonca bitkisində gövdənin böyüməsi, yan budaqların çıxması, Tovuzda göyərmə, Zaqatalada hamaşçiçəklərin çıxması, Ceyrançöldə və Acınohurda yovşan, qırtıc, ceyranotu kimi otlaq bitkilərində budaqlanma və budaqların boy atması qeydə alınıb. Payızlıq dənli bitkilər əkilmiş sahələrdə bitkilərin, Lənkəranda isə çay kollarının alaq otları ilə mübarizə aparmaqdan ötrü herbisidlərlə və digər kimyəvi maddələrlə dərmanlanması işləri aparılıb.

Respublikanın əksər ərazilərində aprel ayının ikinci ongünlüyündə yağıntılı hava şəraiti müşahidə edilib. Havanın orta temperaturu bəzi yerlərdə çoxillik iqlim normasından 1⁰C aşağı,  ötən ilin göstəriciləri ilə müqayisədə isə 1-2⁰C yüksək olması ilə səciyyələnib.

Havanın dekadalıq orta temperaturu Gədəbəydə 5,4⁰C, Qubada və Dağlıq Şirvan bölgəsində 9-10⁰C, Şəki-Zaqatala bölgəsində 9-12⁰C, Ceyrançöldə və Tovuzda 11⁰C, Maştağada 12⁰C, Bərdə-Tərtərdə, Mərkəzi Aranda, Mil-Muğanda, Lənkəranda, Gəncədə, Şəmkirdə, Goranboyda 12-14⁰C qeydə alınıb. 


Havanın minimum temperaturu Gədəbəydə -2⁰C, Dağlıq Şirvanda 2-3⁰C, Tovuzda 3⁰C, Şəki-Zaqatala bölgəsində 2-4⁰C, Qubada və Ceyrançöldə 4⁰C, Zərdabda, Cəfərxanda və Gəncədə 5⁰C, Maştağada və Bərdədə 7⁰C qeydə alınıb.

Torpaq səthinin minimum temperaturu Tovuzda -1⁰C, Zaqatalada və Gəncədə 1⁰C, Qubada və İsmayıllıda 2⁰C, Şəkidə və Ceyrançöldə 3⁰C, Cəfərxanda və Maştağada 4⁰C təşkil edib. Torpağın 10 sm dərinliyində orta temperaturu Qubada 11⁰C, Şəkidə 13⁰C, Naxçıvanda 12⁰C, Göyçayda 13⁰C, Gəncədə və Lənkəranda 16⁰C, Neftçalada 15⁰C, 20 sm dərinlikdə temperaturu Qubada 9⁰C, Gəncədə və Lənkəranda 13⁰C, Şəkidə 12⁰C, Neftçalada 14⁰C, Göyçayda 15⁰C qeydə alınıb.

Torpağın 10 sm dərinliyində nəmliyi Göyçayda 5%, Gəncədə 17%, Naxçıvanda 40%, Şəkidə 33%, Qubada 42%, Neftçalada 43%, Lənkəranda 64%-ə qədər, 20 sm dərinlikdə Göyçayda 23%, Gəncədə 16%, Qubada 48%, Şəkidə 39%, Neftçalada 47%, Lənkəranda 63%, Naxçıvanda 29%-ə qədər müşahidə edilib.

Yağıntının dekadalıq miqdarı ən çox Oğuzda 82 mm, Zaqatalada 76 mm, Balakəndə 72 mm, Qəbələdə 71 mm, Şəkidə 69 mm, Şamaxıda 41mm, Qazaxda 29 mm, İsmayıllıda 28 mm, Gədəbəydə 27 mm qeydə alınıb.


Rütubət çatışmazlığı Dağlıq Şirvanda 2-3 hPa, Bərdədə, Qubada, Maştağada 3 hPa, Qazax-Tovuzda və Şəki-Zaqatala bölgəsində 3-4 hPa, Tərtərdə, Mil-Muğanda və Gəncədə 5 hPa, Mərkəzi Aranda və Şəmkirdə 6 hPa arasında dəyişib.

Nisbi rütubət Mil-Muğanda 74-79%, Dağlıq Şirvanda 77-81%, Bərdə-Tərtərdə 69-80%, Gəncədə və Şəmkirdə 63-66%, Maştağada 79%, Qazax-Tovuzda 69-76%, Lənkəranda 81%, Qubada 78%, Şəki-Zaqatalada 73-79%, Zərdabda 71 hPa, Yevlaxda 66 hPa təşkil edib.

Maksimum sürəti 15 m/san-dən çox olan küləkli günlərin sayı 2 gün Goranboyda (maksimum sürət 19 m/san), 1 gün Maştağada (maksimum sürət 17 m/san), Bərdədə (maksimum sürət 16 m/san), Cəfərxanda (maksimum sürət 16 m/san) təşkil edib.

Kənd təsərrüfatı bitkilərinin vəziyyəti

Aprel ayinin ikinci dekadası ərzində aran və dağətəyi rayonlarda payızlıq dənli bitkilər əkilmiş sahələrdə aparılmış fenoloji müşahidələrə əsasən Gəncədə, Şamaxıda, Zərdabda və İmişlidə bitkilərdə buğumbağlama, Tərtərdə, Qubada, Goranboyda, Tovuzda, Cəfərxanda, Beyləqanda, Yevlaxda, Salyanda, Bərdədə, Şəkidə, Zaqatalada, Qəbələdə, Oğuzda və Sabirabadda gövdənin aşağı buğumunun yer səthinə çıxması mərhələsi davam edib. Gövdənin aşağı buğumunun yer səthinə çıxması mərhələsində bitkilərin hündürlüyü 71-80 sm olub. Bərdədə ölçü sahəsinin bir vahidində bitkilərin orta sayı 514 ədəd, Goranboyda gövdələrin ümumi sayı 532 ədəd, Şəkidə 360 ədəd təşkil edib. Tərtərdə, Beyləqanda, Cəfərxanda və Yevlaxda ərik Zərdabda alça ağaclarında meyvələrin böyüməsi, Şamaxıda və Gəncədə üzüm kollarında gözcüklərin açılması qeydə alınıb, alma, armud, albalı, heyva, tut, nar, xurma ağaclarında 1-ci yarpağın açılması müşahidə edilib. Cəfərxanda və Qəbələdə yonca bitkisində gövdənin böyüməsi, yan budaqların çıxması, Şəkidə və Tovuzda hamaşçiçəklərin çıxması, Zaqatalada yaşıl kütlənin 1-ci biçini, Ceyrançöldə və Acınohurda yovşan, qırtıc, ceyranotu kimi otlaq bitkilərində budaqlanma və budaqların boy atması qeydə alınıb. Cəfərxanda və Yevlaxda qarpız toxumlarının, Salyanda pambıq əkiləcək sahələrdə çiyidin səpini aparılıb, pomidor şitillərinin torpağa basdırılması kimi kənd təsərrüfatı işləri görülüb.

Respublikanın əksər ərazilərində aprel ayının üçüncü ongünlüyündə yağıntılı hava şəraiti müşahidə edilib. Havanın orta temperaturu çoxillik iqlim normasından 1⁰C,  ötən ilin göstəriciləri ilə müqayisədə isə 2-3⁰C aşağı olması ilə səciyyələnib.

Havanın dekadalıq orta temperaturu Gədəbəydə və Qubada 8⁰C, Dağlıq Şirvan bölgəsində 9-11⁰C, Şəki-Zaqatala bölgəsində, Maştağada, Ceyrançöldə və Tovuzda 11-13⁰C, Gəncə-Goranboyda 14-15⁰C, Bərdə-Tərtərdə, Mərkəzi Aranda, Mil-Muğanda 14-16⁰C qeydə alınıb. 

Havanın minimum temperaturu Gədəbəydə 1⁰C, Qubada 3⁰C, Dağlıq Şirvanda və Tovuzda 5⁰C, Ceyrançöldə 6⁰C, Şəki-Zaqatala bölgəsində 5-7⁰C, Maştağada, Zərdabda və Cəfərxanda 7⁰C, Gəncədə 8⁰C, Bərdədə 9⁰C qeydə alınıb.

Torpaq səthinin minimum temperaturu Qubada 2⁰C, Tovuzda 3⁰C, Zaqatalada, Şəkidə və Maştağada 4⁰C, Ceyrançöldə və İsmayıllıda 5⁰C, Gəncədə 6⁰C, Cəfərxanda 7⁰C təşkil edib. Torpağın 10 sm dərinliyində orta temperaturu Qubada 10⁰C, Şəkidə 12⁰C, Naxçıvanda 14⁰C, Göyçayda 13⁰C, Gəncədə və Lənkəranda 15⁰C, Neftçalada 16⁰C, 20 sm dərinlikdə temperaturu Qubada 11⁰C, Gəncədə və Neftçalada 16⁰C, Şəkidə 13⁰C, Lənkəranda 14⁰C, Göyçayda 16⁰C qeydə alınıb.

Torpağın 10 sm dərinliyində nəmliyi Göyçayda 6%, Gəncədə 18%, Naxçıvanda 35%, Şəkidə 32%, Qubada 41%, Neftçalada 40%, Lənkəranda 60%-ə qədər, 20 sm dərinlikdə Göyçayda 28%, Gəncədə 17%, Qubada 52%, Şəkidə 39%, Neftçalada 45%, Lənkəranda 64%, Naxçıvanda 29%-ə qədər müşahidə edilib.

Yağıntının dekadalıq miqdarı ən çox Şəkidə 81 mm, Oğuzda 76 mm, Qəbələdə 59 mm, Goranboyda 36 mm, İsmayıllıda 35 mm, Şamaxıda 31 mm, Tərtərdə və Zaqatalada 25 mm, Şəmkirdə 24 mm, Şəkidə 69 mm, Qubada 23 mm, Balakəndə 22 mm, Gədəbəydə 27 mm qeydə alınıb.

Nisbi rütubət Mil-Muğanda 72-73%, Dağlıq Şirvanda 78-84%, Bərdə-Tərtərdə 73-79%, Gəncədə və Şəmkirdə 71%, Maştağada 80%, Qazax-Tovuzda 69-73%, Qubada 85%, Şəki-Zaqatalada 70-82%, Zərdabda 73 hPa, Yevlaxda 66 hPa təşkil edib.

Maksimum sürəti 15 m/san-dən çox olan küləkli günlərin sayı 2 gün Goranboyda (maksimum sürət 27 m/san), Maştağada (maksimum sürət 22 m/san), Şəkidə (maksimum sürət 20 m/san), 2 gün Bərdədə və Tərtərdə (maksimum sürət 25 m/san), 1 gün İsmayıllıda (maksimum sürət 22 m/san), Oğuzda (maksimum sürət 21 m/san), Tovuzda və Qəbələdə (maksimum sürət 20/san), Zaqatalada, Balakəndə və Zərdabda (maksimum sürət 18 m/san) təşkil edib.

Aprel ayinin üçüncü ongünlüyündə taxılçılıq rayonlarında payızlıq dənli bitkilər əkilmiş sahələrdə aparılmış fenoloji müşahidələrə əsasən Gəncədə, Şamaxıda və Cəfərxanda bitkilərdə gövdənin aşağı buğumunun yer səthinə çıxması, Tərtərdə, Goranboyda, Tovuzda, Beyləqanda, Yevlaxda, Salyanda, Bərdədə, Şəkidə, Zaqatalada, Qəbələdə, Oğuzda və Sabirabadda sünbülləmə mərhələsi qeydə alınıb. Sünbülləmə mərhələsində bitkilərin hündürlüyü 86-90 sm olub. Şəkidə dənli bitkilərin bir sünbülündə sünbülcüklərin cəm sayı 31 ədəd, inkişaf etməmiş sünbülcüklərin orta sayı 6 ədəd, ölçü sahəsinin bir vahidində gövdələrin ümumi sayı 365 ədəd, sünbüllü gövdələrin ümumi sayı 335 ədəd, Zaqatalada gövdələrin ümumi sayı 421 ədəd, sünbüllü gövdələrin sayı 409 ədəd, Tərtərdə gövdələrin ümumi sayı 558 ədəd, sünbüllü gövdələrin sayı 510 ədəd təşkil edib. Tərtərdə, Beyləqanda, Goranboyda pambıq əkiləcək sahələrdə çiyidin səpini aparılıb, Salyanda bitkilərdə cücərmə, Bərdədə və Sabirabadda göyərmə mərhələsi müşahidə edilib. Şəkidə, Zaqatalada və Balakəndə qarğıdalının səpini, Zaqatalada çay kollarında 1-ci dərəcəli məhsuldar budaqların çıxması qeydə alınıb. Əksər aran və dağətəyi rayonlarda alma, armud, albalı, heyva, gilas, ərik, alça ağaclarında meyvələrin böyüməsi davam edib, Şəkidə və Oğuzda tut ağaclarında 10-cu yarpağın açılması müşahidə edilib. Qubada çiçəkləmə dövründə alça və albalı ağaclarında güclü yağışlar nəticəsində dişiciklərin formalaşmaması qeydə alınıb ki, buda gələcəkdə məhsuldarlığın aşağı düşməsinə səbəb ola bilər. Cəfərxanda yonca bitkisində gövdənin böyüməsi, yan budaqların çıxması, Qəbələdə hamaşçiçəklərin çıxması, Şəkidə və Tovuzda çiçəkləmə, Zaqatalada yaşıl kütlənin 1-ci biçini, Ceyrançöldə və Acınohurda yovşan, qırtıc, ceyranotu kimi otlaq bitkilərində budaqlanma və budaqların boy atması, çiçəkləmə qeydə alınıb. Cəfərxanda, Sabirabadda, Şəkidə, Yevlaxda, Salyanda bostan və tərəvəz bitkilərinin əkini, kübrələmə, dərmanlama kimi kənd təsərrüfatı işləri aparılıb.