Fevral ayı üçün Xəzər dənizinin hidrometeoroloji şəraitinin təhlili

Fevral ayında Xəzər dənizinin Azərbaycan sektorunda dənizin orta aylıq səviyyəsi Baltik sistemi ilə -29,19 mBS, maksimal səviyyə -29,11 mBS, minimal səviyyə isə -29,27 mBS təşkil etmişdir. 2026-cı ilin fevral ayında Neft Daşları İHMS – də səviyyənin orta aylıq qiyməti -29,19 mBS olmuşdur. Keçən ilin fevral ayı (-28,99 mBS) ilə müqayisədə səviyyədə 20 sm enmə müşahidə olunmuşdur.

Fevral ayında açıq dənizdə maksimal sürəti 28 m/san olan şimal-qərb, Abşeron yarımadasında isə sürəti 36 m/s olan şimal-qərb küləyi qeydə alınmışdır.

Xəzərin Azərbaycan sektorunda fevral ayında açıq dəniz akvatoriyasında dəniz dalğalarının orta hündürlüyü 2,6 m, maksimal hündürlüyü isə 5,5 m olmuşdur.

Fevral ayında açıq dənizdə Neft Daşları İDHMS-da dəniz suyunun orta temperaturu 7,1°C, maksimal temperaturu 9,4°C, minimal temperaturu isə 5,2°C; Çilov DHMS-da orta temperatur 7,2°C, maksimal temperatur 10,0°C, minimal temperatur isə 4,1°C olmuşdur.

Dəniz suyunun orta duzluluğu 9-12‰ arasında tərəddüd edir. Qış aylarında 10-12‰, yay aylarında 11-12‰ arasındadır. Fevral ayı üzrə duzluluğun orta qiyməti 9,28 ‰ təşkil etmişdir. Keçən ilin fevral ayı ilə (9,91‰) müqayisədə duzluluğun orta kəmiyyətində 0,63 ‰ azalma müşahidə olunmuşdur.