Avqust ayı üçün Xəzər dənizinin hidrometeoroloji şəraitinin təhlili

 Avqust ayında Xəzər dənizinin Azərbaycan sektorunda dənizin orta aylıq səviyyəsi Baltik sistemi ilə -27,94 m, maksimal səviyyə -27,72 m, minimal səviyyə isə -28,13 m təşkil etmişdir.2021 ci- ilin avqust ayında Neft Daşları İHMS – də səviyyənin orta aylıq qiyməti -3 sm olmuşdur.Keçən ilin avqust ayı ilə ( 21 sm ) müqayisədə səviyyədə enmə müşahidə olunmuşdur.
 Avqust ayında maksimal sürəti açıq dənizdə 16 m/san olan şimal , Abşeron yarımadasında isə 11 m/san olan cənub küləyi qeydə alınmışdır.
 Xəzərin Azərbaycan sektorunda avqust ayında açıq dəniz akvatoriyasında dəniz dalğalarının orta hündürlüyü 1,1 m, maksimal hündürlüyü isə 2,2 m olmuşdur.
Dəniz suyunun orta duzluluğu 9-12‰ arasında tərəddüd edir. Yay aylarında 11-12‰ arasındadır. Baxılan zaman intervalında duzluluğun orta qiyməti 11,84‰ təşkil etmişdir. Keçən ilin avqust ayı ilə (11,58‰) müqayisədə duzluluğun orta kəmiyyətində artma müşahidə olunmuşdur.