Respublikanın əksər bölgələrində iyul ayının birinci  ongünlüyündə az yağıntılı və isti  hava şəraiti  müşahidə edilib.  Havanın orta temperaturu  çoxillik iqlim normasından  2-3ºC, ötən ilin gösdəriciləri ilə müqayisədə isə 10C yüksək olması ilə səciyyələnib.
Havanın dekadalıq orta temperaturu Gədəbəydə 18,5ºC, Dağlıq Şirvan bölgəsində və  Qubada 25ºC, Maştağada, Bərdə-Tərtərdə, Mil-Muğanda, Gəncədə, Mərkəzi Aranda 27-280C,  Ceyrançöl-Tovuzda 26-27ºC, Şəki-Zaqatalada 24-26ºC, Lənkəran-Astara bölgəsində 26-280C qeydə alınıb. 


Havanın minimum temperaturu Gədəbəydə 11ºC, Tovuzda, Dağlıq Şirvanda və Qubada 16ºC, Cəfərxanda, Ceyrançöldə, Şəki-Zaqatala bölgəsində 17-180C, Mərkəzi Aranda, Bərdədə, Maştağada, Cəncədə 19-210C qeydə alınıb.
Torpaq səthinin minimum temperaturu Qubada 14ºC, Şəkidə 160C, Cəfərxanda 150C, Tovuzda, Gəncədə, Ceyraçöldə və Maştağada 18ºC, Göyçayda 210C təşkil edib.
Torpağın 10 sm dərinliyində orta temperaturu Dağlıq Şirvanda və Qubada 25-260C, Tovuzda 280C, Şəki-Zaqatala bölgəsində 25-290C, Mil-Muğan, Mərkəzi Aran, Bərdə-Tərtər və Gəncədə 29-30ºC qeydə alınıb.
Yağıntının dekadalıq miqdarı ən çox Gədəbəydə 50 mm qeydə alınıb.
Rütubət çatışmazlığı Lənkəran-Astara bölgəsində 12-19 hPa, Dağlıq Şirvanda, Qubada, Tovuzda və Ceyrançöldə 15-16 hPa, Mərkəzi Aranda 15-20 hPa, Gəncədə və Maştağada 17-18 hPa, Şəki- Zaqatalada 13-19 hPa, Mil-Muğanda 16-22 hPa, Bərdə-Tərtərdə 20 hPa, Gədəbəydə 7 hPa arasında dəyişib.
Nisbi rütubət Mil-Muğanda 50-64%, Dağlıq Şirvanda 51-55%, Mərkəzi Aranda 52-65%, Bərdə-Tərtərdə 52-53%, Gəncədə 56%, Qazax-Tovuzda 60-72%, Lənkəran-Astara bölgəsində 58-68%, Qubada 58%, Şəki-Zaqatalada 50-66%, Maştağada 59% təşkil edib.


Maksimum sürəti 15 m/san-dən çox olan küləkli günlərin sayı 2 gün Gəncədə, 1 gün Goranboyda (maksimum sürət 20m/san) təşkil edib.

Kənd təsərrüfatı bitkilərinin vəziyyəti
İyul ayının birinci ongünlüyündə əksər aran və dağətəyi rayonlarda payızlıq dənli bitkilərdə məhsul yığımı başa çatıb, Şamaxı, Gəncə və Zərdabda yığım davam edib.
Pambıq bitkisində dekada ərzində Biləsuvarda, Gəncədə, Tərtərdə, Goranboyda, Sabirabadda, Beyləqanda və Bərdədə qönçələnmə, Cəfərxanda çiçəkləmə fenoloji mərhələləri müşahidə edilib. Dekadanın sonunda bitkilərin hündürlüyü 62-94 sm təşkil edib.
Əksər aran və dağətəyi rayonlarda gilas, tut, alça, ərik ağaclarında meyvələrin yetişməsi və yığımı davam edib, Şəki-Zaqatala bölgəsində çay kollarında yarpaqların 3-cü Lənkəranda 2-ci yığımı qeydə alınıb. Şəkidə və Zaqatalada qarğıdalı bitkisində süpürgəciyin çıxması, Balakəndə süpürgəciyin çıxması və çiçəkləməsi fenoloji mərhələsi müşahidə edilib. Qubada pamidor bitkisində ilk güllərin tökülməsi, Acinohurda narıncı, Sabirabadda tam yetişkənlik mərhələləri müşahidə edilib, məhsul yığımına başlanıb. Cəfərxanda və Sabirabadda qarpız və yemiş bitkisində 1-ci yığım, Şəkidə və Acınohurda kələmdə başbağlama, Qubada və Gədəbəydə kartof bitkisində üst hissənin solması qeydə alınıb. Lənkəran-Astara bölgəsində naringi, feyxoa kimi sitrus bitkilərində yay durğunluğu dövrünün başlanması müşahidə edilib. Dekada ərzində yonca bitkisində Cəfərxanda və Zaqatalada 3-cü, Şəkidə və Qəbələdə 1-ci biçindən sonra otların boy atması qeydə alınıb.

Respublikanın əksər bölgələrində iyul ayının ikinci ongünlüyündə az yağıntılı və isti hava şəraiti müşahidə edilib. Havanın orta temperaturu çoxillik iqlim norması və ötən ilin gösdəriciləri ilə müqayisədə 2-3ºC yüksək olması ilə səciyyələnib.
Havanın dekadalıq orta temperaturu Gədəbəydə 18,7ºC, Dağlıq Şirvan bölgəsində və  Qubada 24ºC,  Maştağada, Bərdə-Tərtərdə, Mil-Muğanda, Gəncədə, Mərkəzi Aranda 28-29ºC Ceyrançöl və Tovuzda 27ºC, Şəki-Zaqatalada 25-26ºC, Lənkəran-Astara bölgəsində 26-28 ºC qeydə alınıb. 


Havanın minimum temperaturu Gədəbəydə 14ºC, Dağlıq Şirvanda və Qubada 18-19ºC, Cəfərxanda, Tovuzda, Ceyrançöldə, Gəncədə, Mərkəzi Aranda, Bərdədə, Maştağada, 20-22ºC, Şəki-Zaqatala bölgəsində 18-21ºC qeydə alınıb.
Torpaq səthinin minimum temperaturu Qubada 15ºC, Şəkidə və Zaqatalada 18ºC, Maştağa və Ceyrançöldə 19ºC Tovuzda, Gəncədə, Cəfərxanda, Göyçayda 20-21ºC təşkil edib.
Torpağın 10 sm dərinliyində orta temperaturu Dağlıq Şirvanda və Qubada 26-27ºC, Şəki-Zaqatala bölgəsində 27-31ºC, Mil-Muğan, Mərkəzi Aran, Bərdə-Tərtər və Gəncədə 31-35ºC qeydə alınıb
Yağıntının dekadalıq miqdarı ən çox Şəkidə 9 mm, Gədəbəydə 8 mm, İsmayıllıda 6 mm qeydə alınıb.


Rütubət çatışmazlığı Lənkəran-Astara bölgəsində  10-17 hPa, Gədəbəydə 6 hPa,  Dağlıq Şirvanda, Qubada, Maştağada, Tovuzda və Ceyrançöldə 13-16 hPa, Şəki-Zaqatalada 14-17 hPa, Gəncədə 18 hPa,  Mil-Muğanda 16-22 hPa, Bərdə-Tərtərdə 19-21 hPa  arasında dəyişib.
Nisbi rütubət Mil-Muğanda 49-63%, Dağlıq Şirvanda 50-58%, Mərkəzi Aranda 52-57%, Bərdə-Tərtərdə 51-53%,  Gəncədə 55%, Qazax-Tovuzda 59-73%, Lənkəran-Astara bölgəsində 60-75%, Qubada 58%, Şəki-Zaqatalada 53-62%, Maştağada 62% təşkil edib. Dekada ərzində havanın nisbi rütubətinin minimum həddinin 30% və ondan az olan günlərinin sayı Bərdə, Quba, Zərdab, Gəncə və Oğuzda 1 gün, Şərurda və İsmayıllıda 3 gün, Göyçayda 4 gün qeydə alınıb.

Maksimum sürəti 15 m/san-dən çox olan küləkli günlərin sayı 
1 gün  Balakəndə (maksimum sürət 18 m/san), Goranboyda (maksimum sürət 16 m/san), Zaqatalada  (maksimum sürət 15 m/san)   təşkil edib.  
 
Kənd təsərrüfatı bitkilərinin vəziyyəti 
     
İyul ayının ikinci dekadası ərzində  pambıq bitkisində Biləsuvarda qönçələnmə, İmişlidə, Tərtərdə, Goranboyda, Sabirabadda, Beyləqanda, Bərdədə, Cəfərxanda çiçəkləmə fenoloji mərhələləri müşahidə edilib, hava şəraitinin yağıntısız olması bitkilərin əlavə suvarılmasına ehtiyac yaradıb. Dekadanın sonunda bitkilərin hündürlüyü 62-94 sm təşkil edib.

Əksər aran və dağətəyi rayonlarda gilas, tut, alça, ərik ağaclarında meyvələrin yetişməsi və yığımı  davam edib, Şəki-Zaqatala bölgəsində çay kollarında 4-cü dərəcəli məhsuldar budaqların çıxması, qarğıdalı bitkisində süpürgəciyin çiçəkləməsi mərhələsi qeydə alınıb. Şəkidə  qarğıdalı bitkisinin silos üçün yığımına başlanıb. Balakəndə tütün bitkisində ilk yalançı zoğların çıxması, orta yarusdakı yarpaqların texniki yetişkənliyi və yarpaqların yığımı, Zaqatalada aşağı yarusdakı yarpaqların texniki yetişkənliyi və yığımı  müşahidə edilib. Qubada pomidor bitkisində yaşıl, Şəkidə narıncı, Acınohurda  tam yetişkənlik mərhələləri müşahidə edilib. Sabirabadda və Cəfərxanda qarpız, yemiş və pomidor bitkilərində məhsul yığımı davam edib.  Dekada ərzində yonca bitkisində Gəncədə, Tovuzda, Şəkidə 1-ci biçindən sonra çiçəkləmə,  Cəfərxanda 3-cü  biçindən sonra otların boy atması qeydə alınıb. Sahələrdə suvarma, dərmanlama, bitkilərin dibinin yumşaldılması kimi kənd təsərrüfatı işləri aparılıb.



Respublikanın əksər bölgələrində iyul ayının üçüncü ongünlüyündə yağıntılı hava şəraiti müşahidə edilib. Havanın orta temperaturu çoxillik iqlim normasından 1ºC yüksək, bəzi yerlərdə norma daxilində,  ötən ilin gösdəriciləri ilə müqayisədə isə 2-3ºC  aşağı olması ilə səciyyələnib.
Havanın dekadalıq orta temperaturu Gədəbəydə 17,4ºC, Dağlıq Şirvan bölgəsində və Qubada 22ºC,  Maştağada, Bərdə-Tərtərdə, Mil-Muganda, Gəncədə, Mərkəzi Aranda 25-27ºC, Ceyrançöl və Tovuzda 25ºC, Şəki-Zaqatalada 23-24ºC, Lənkəran-Astara bölgəsində 25-26ºC qeydə alınıb. 

Havanın minimum temperaturu Gədəbəydə 11ºC, Dağlıq Şirvanda və Qubada 15-17ºC, Cəfərxanda, Tovuzda, Ceyrançöldə, Gəncədə, Mərkəzi Aranda, Bərdədə, Maştağada, 18-19ºC, Şəki-Zaqatala bölgəsində 17-18ºC qeydə alınıb.
Torpaq səthinin minimum temperaturu Qubada 13ºC, Şəkidə və Zaqatalada 15-18ºC, Ceyrançöldə 16ºC, Maştağada, Gəncədə, Cəfərxanda, Göyçayda 17-18ºC təşkil edib.
Torpağın 10 sm dərinliyində orta temperaturu Dağlıq Şirvanda və Qubada 24ºC, Şəki-Zaqatala bölgəsində 24-26ºC, Mil-Muğan, Mərkəzi Aran, Bərdə-Tərtər və Gəncədə 27-33ºC qeydə alınıb
Yağıntının dekadalıq miqdarı ən çox Lənkəranda 148 mm, Gədəbəydə 123 mm, Şəki-Zaqatala bölgəsində 119-130 mm, Gəncədə 100 mm, Tovuzda və İsmayıllıda 60 mm, Bərdə-Tərtərdə 52-54 mm, Qubada 50 mm, Mərkəzi Aranda 30-40 mm qeydə alınıb.


Rütubət çatışmazlığı Lənkəran-Astara bölgəsində 2-12 hPa, Gədəbəydə 4 hPa, Daglıq Şirvanda, Qubada, Gəncədə 8-10 hPa, Tovuzda, Ceyrançöldə, Maştağada 10-13 hPa, Şəki-Zaqatalada 6-9 hPa, Bərdə-Tərtərdə və Mərkəzi Aranda 11-12 hPa, Mil-Muğanda 11-15 hPa arasında dəyişib.
Nisbi rütubət Mil-Muğanda 61-74%, Dağlıq Şirvanda və Maştağada 68%, Mərkəzi Aranda 69-73%, Bərdə-Tərtərdə 67-69%, Gəncədə 74%, Qazax-Tovuzda 61-84%, Lənkəran-Astara bölgəsində 69-84%, Qubada 72%, Şəki-Zaqatalada 73-80% təşkil edib. Dekada ərzində havanın nisbi rütubətinin minimum həddinin 30% və ondan az olan günlərinin sayı Şərurda 1 gün, İsmayıllıda 4 gün qeydə alınıb.

Maksimum sürəti 15 m/san-dən çox olan küləkli günlərin sayı 3 gün Maştağada (maksimum sürət 21 m/san), 2 gün Goranboyda (maksimum sürət 18 m/san) təşkil edib.

Kənd təsərrüfatı bitkilərinin vəziyyəti

İyul ayının üçüncü dekadası ərzində pambıq sahələrində aparılmış fenoloji müşahidələrə əsasən pambıq bitkisində Sabirabadda ilk qozalararın açılması, digər pambıqçılıq rayonlarında çiçəkləmə fenoloji mərhələləri müşahidə edilib, aran rayonlarında hava şəraitinin az yağıntılı olması bitkilərin əlavə suvarılmasına ehtiyac yaradıb. Goranboyda bir pambıq bitkisində formalaşmış qozaların orta sayı 5.4, Bərdədə 4.4, Tərtərdə 1.9 ədəd təşkil edib. Dekada ərzində əksər aran və dağətəyi rayonlarda heyva, nar, xurma kimi gec yetişən meyvələrin böyüməsi davam edib, Lənkəran və Şamaxıda üzüm kollarında, Göyçayda əncir ağaclarında meyvələrin yetişməsi və yığımı qeydə alınıb. Şəki-Zaqatala bölgəsində çay kollarında 4-cü dərəcəli məhsuldar budaqların çıxması, Zaqatalada qarğıdalı bitkisində qıçanın çiçəkləməsi, Balakəndə dənin süd yetişkənliyi mərhələsi müşahidə edilib. Acınohurda və Sabirabadda sahələrdə pomidor bitkisində, Cəfərxanda qarpız və yemiş bitkilərində məhsul yığımı davam edib. Dekada ərzində yonca bitkisində Şəkidə və Tovuzda yaşıl kütlənin 2-ci, Zaqatalada 3-cü biçini, Cəfərxanda 3-cü biçindən sonra otların boy atması qeydə alınıb. Yağıntısız günlərdə sahələrdə suvarma, dərmanlama, bitkilərin dibinin yumşaldılması kimi kənd təsərrüfatı işləri aparılıb.