Respublikanın əksər bölgələrində noyabr ayının birinci ongünlüyündə hava şəraiti nisbətən yağıntılı keçib, havanın orta temperaturu çoxillik iqlim normasından 1ºC, ötən ilin göstəriciləri ilə müqayisədə isə 1-2ºC aşağı olması ilə səciyyələnib.
Havanın dekadalıq orta temperaturu Maştağada 12ºC, Naxçıvanda 10ºC, Qarabağ bölgəsi, Gəncə-Goranboy, Mil-Muğan və Mərkəzi Aranda 11-12ºC, Şəki-Zaqatalada 9-10ºC, Dağlıq Şirvan bölgəsi və Qubada 7ºC, Lənkəran-Astarada 8-12ºC, Tovuz-Qazaxda 5-10ºC qeydə alınıb.


Havanın minimum temperaturu İsmayıllı və Gədəbəydə -1ºC, Qubada 1ºC, Şamaxı, Tovuz, Gəncə və Qazaxda 2ºC, Cəfərxan, Zərdab, Ceyrançöl, Şəki və Zaqatalada 3ºC,Naxçıvan və Bərdədə 4ºC, Göyçayda 5ºC, Lənkəranda 6ºC, Maştağada 8ºC müşahidə edilib.
Torpaq səthinin minimum temperaturu Tovuzda - 3ºC, Naxçıvanda -2ºC, Şəki və Gəncədə 0ºC, Ceyrançöl və Cəfərxanda 2ºC, Göyçayda 4ºC təşkil edib.
Torpağın 10sm dərinliyində orta temperaturu Cəfərxan və Beyləqanda 14ºC,Sabirabad və Gəncədə15ºC, Zərdabda 16ºC müşahidə edilib.
Yağıntının dekadalıq miqdarı Lənkəranda 52 mm, Şamaxı və Qubada 24 mm, Maştağada 16 mm, İsmayıllıda 14 mm, Yardımlıda 11 mm qeydə alınıb.


Nisbi rütubət Dağlıq Şirvan bölgəsində 76-78%, Gəncədə 71%, Qazax-Tovuz bölgəsində 58-77%, Lənkəran-Astara bölgəsində 80-89%, Mil-Muğanda 67-80%, Şəki-Zaqatalada 64-70%,Qubada 81%, Mərkəzi Aranda 72-77%, Bərdə-Tərtərdə 65-72%, Maştağada 83% təşkil edib. Dekada ərzində havanın nisbi rütubətinin minimum həddinin 30% və ondan aşağı olan günlərin sayı Zaqatala və Göyçayda 1 gün qeydə alınıb.
Rütubət çatışmazlığı Maştağada 3 hPa,Quba və Lənkəran-Astarada 2-4 hPa, Şəki-Zaqatala və Mərkəzi Aranda 4-5 hPa,Bərdə-Tərtərdə 4-6 hPa,Mil-Muğanda 3-5 hPa, Dağlıq Şirvanda 2-3 hPa,Gəncədə 4hPa,Qazax-Tovuzda 2-5 hPa olub.
Sürəti 15 m/san-dən yuxarı olan küləkli günlərin sayı 4 gün Goranboyda, 2 gün Ceyrançöldə küləyin maksimum sürəti 20 m/san, 2 gün Maştağa və Tərtərdə maksimum sürət 18 m/san, Bərdədə 15 m/san, 1 gün Şəkidə maksimum sürət 15 m/san müşahidə edilib. Bir gün Ceyrançöldə toz tufanı qeydə alınır.



 Respublikanın əksər bölgələrində noyabr ayının ikinci ongünlüyündə hava şəraiti nisbətən yağıntılı keçib. Havanın orta temperaturu çoxillik iqlim normasından 2-3ºC yüksək, ötən ilin göstəriciləri ilə müqayisədə isə 3-5ºC yüksək olması ilə səciyyələnib.
  Havanın dekadalıq orta temperaturu Maştağada 12ºC, Naxçıvanda 7ºC, Qarabağ bölgəsi, Gəncə-Goranboy, Mil-Muğan və Mərkəzi Aranda 11-14ºC, Şəki-Zaqatalada 10-15ºC, Dağlıq Şirvan bölgəsi və Qubada 7-8ºC, Lənkəran-Astarada 11-13ºC, Tovuz-Qazaxda 6-13ºC qeydə alınıb.


  Havanın minimum temperaturu İsmayıllıda və Gədəbəydə -1ºC şaxta, Qazaxda 2ºC, Quba, Şamaxı, Naxçıvan və Tovuzda 3ºC, Şəki, Zaqatala, Göyçay, Cəfərxan və Ceyrançöldə 4ºC, Bərdə, Zərdab, Lənkəran və Gəncədə 5ºC, Maştağada və Acınohurda 7ºC qeydə alınıb.
  Torpaq səthinin minimum temperaturu Tovuzda, Naxçıvanda -2ºC, Şəki və Zaqatalada 1ºC, Ceyrançöl və Cəfərxanda 2ºC, Göyçayda 3ºC təşkil edib.
Torpağın 10 sm dərinliyində orta temperaturu Cəfərxanda 12ºC, Sabirabadda və Gəncədə 13ºC müşahidə edilib.
  Yağıntının dekadalıq miqdarı Maştağada 36 mm, Gəncə və Tovuzda 33 mm, Balakəndə 28 mm, Ceyrançöldə 26 mm, Lənkəranda və Oğuzda 24 mm, Şəkidə 23 mm, Şamaxıda 22 mm, Zaqatala və Cəfərxanda 17 mm, Qubada 14 mm, Naxçıvan, Sabirabad, Biləsuvarda 13 mm, İmişli 12 mm, İsmayıllıda 11 mm, Beyləqanda 10 mm, Zərdab və Göyçayda 8 mm qeydə alınıb.


  Nisbi rütubət Dağlıq Şirvan bölgəsində 79-76%, Gəncədə 72%, Qazax-Tovuz bölgəsində 60-73%, Lənkəran-Astara bölgəsində 69-87%, Mil-Muğanda 72-86%, Şəki-Zaqatalada 65-75%, Qubada 79%, Mərkəzi Aranda 77-80%, Bərdə-Tərtərdə 69-77%, Maştağada 86% təşkil edib.
Dekada ərzində havanın nisbi rütubətinin minimum həddinin 30% və ondan aşağı olan günlərin sayı Quba və Yardımlıda 1 gün qeydə alınıb.
  Rütubət çatışmazlığı Maştağada 2 hPa, Quba və Lənkəran-Astarada 2-3 hPa, Şəki-Zaqatala və Mərkəzi Aranda 3-5 hPa, Bərdə-Tərtərdə 4-5 hPa, Mil-Muğanda 2-5 hPa, Dağlıq Şirvanda 3 hPa, Gəncədə 5hPa, Qazax-Tovuzda 3-4 hPa olub.
  Sürəti 15 m/san-dən yuxarı olan küləkli günlərin sayı 1 gün olmaqla Ceyrançöldə 20 m/san, 4 gün olmaqla küləyin maksimum sürəti Goranboyda 18 m/san, 1 gün Yardımlıda və 2 gün Gədəbəydə 16 m/san təşkil etmişdir. Ceyrançöldə 1 gün toz tufanı qeydə alınmışdır.

Kənd təsərrüfatı bitkilərinin vəziyyəti

  Cəfərxanda və Beyləqanda pambıq bitkisində vegetasiyanın dayanması müşahidə edilib. Dekadanın əvvəllərində Bərdə, Zərdab və Beyləqanda dənli bitkilərin səpini baş tutub. Goranboy, Bərdə, Tərtər, Quba, Zərdab və Cəfərxanda səpilmiş taxıl bitkilərinin cücərməsi, İsmayıllı, Şamaxı, Şəki, Zaqatala və Oğuzda göyərmə fenoloji mərhələsi, Göyçay, Biləsuvar və Sabirabadda payızlıq dənli bitkilərdə 3-cü yarpağın çıxması fenoloji mərhələsi qeydə alınmışdır. Bitkinin hündürlüyü 4-12 sm arasında dəyişir.
  Heyva, nar, xurma bağlarında məhsul yığımı davam edib, ağaclarda payız saralması və xəzan müşahidə edilib.